Министерството за енергетика, рударство и минерални суровини информира дека со координирани мерки на Владата и надлежните институции е постигната стабилност на цените на горивата, спречувајќи дополнително поскапување. Регулаторната комисија за енергетика донесе нови цени кои ќе важат од полноќ до следниот вторник: ЕУРОСУПЕР БС‑95 – 86,50 ден/литар, ЕУРОСУПЕР БС‑98 – 88,50 ден/литар, ЕУРОДИЗЕЛ БС – 95,50 ден/литар, масло за горење ЕЛ‑1 – 92,00 ден/литар и мазут М‑1 НС – 47,610 ден/кг.

Стабилизацијата е овозможена со намалување на ДДВ од 18% на 10%, мерка која ќе важи две недели со можност за продолжување. Според анализите, без интервенција цените на бензините би пораснале за околу 6,5 денари по литар, а дизелот за над 10 денари, што би предизвикало дополнителен притисок врз транспортот и цените на основните производи.

Министерката Сања Божиновска потенцира дека државата, во континуирана соработка со компаниите и трговците, ја следи ситуацијата на пазарот и е подготвена да преземе дополнителни мерки, вклучувајќи дополнително намалување на ДДВ, интервенции во трговските маржи и користење на државните резерви. Снабдувањето со горива е непречено, државните резерви се стабилни, а земјата сè уште е меѓу оние со најниски цени на горивата во регионот.

Министерството нагласува дека приоритет останува заштитата на граѓаните и економската стабилност, со постојано следење на домашниот и меѓународниот енергетски пазар.