Од полноќ бензините и дизелот поевтинуваат, согласно новата одлука на Регулаторната комисија за енергетика (РКЕ).

Од 6 октомври во 00:01 часот, максималната цена на ЕУРОСУПЕР БС-95 ќе изнесува 98,50 денари за литар, додека ЕУРОСУПЕР БС-98 ќе се продава по најмногу 100,50 денари за литар.

Дизелот поевтинува за 3 денари и новата максимална цена ќе биде 97 денари за литар. Екстра лесното масло за домаќинство поевтинува за 3 денари и ќе чини најмногу 108,50 денари за литар.

Намалување има и кај мазутот, чија цена се намалува за 0,285 денари и ќе изнесува 49,597 денари за килограм.

Според РКЕ, малопродажните цени во просек се намалуваат за 1,85 проценти во однос на претходната одлука. На светскиот пазар референтните цени бележат пад кај бензините, дизелот, екстра лесното масло и мазутот.

Од РКЕ појаснуваат дека утврдените цени се максимални, што значи дека трговците можат да продаваат пониски цени.