Општина Чаир денеска презеде важен чекор за подобрување на условите во основните училишта, започнувајќи со процесот на опремување на училиштата со нов инвентар.

Градоначалникот на Општина Чаир, Изет Меџити, оствари работна посета во Основното училиште „Лирија“, каде што беше пречекан од директорката на училиштето, г-ѓа Теута Идризи. Посетата беше повод за доставување и распределување на новиот инвентар, кој веќе е поставен во училиштето.

ОУ „Лирија“ е опремено со 200 нови, модерни клупи и 400 ергономски столчиња, прилагодливи според возраста и висината на учениците. Оваа донација создава поудобни и пофункционални услови за одвивање на наставниот процес и за развој на образовниот процес во училиштето. Истиот инвентар е доставен и во Основното училиште „Хасан Приштина“, при што во двете училишта ќе бидат опремени вкупно по шест наставни кабинети.

„Ова е значаен чекор во подобрувањето на образовните услови во нашата општина. Благодарни сме на компанијата „Ефтинија Импекс“ која ја даде оваа вредна донација и поддршка за развојот на образованието во Чаир. Овие нови клупи и столчиња значително ќе ги подобрат условите за учење и ќе создадат подобра и поудобна средина за учениците,“ изјави градоначалникот Изет Меџити.

Донацијата е дел од активностите на Општина Чаир за време на ноемвриските празници, меѓу кои се и Денот на Албанската Азбука, и се одржува со цел да се подобрат условите во образованието и да се подигне квалитетот на наставата.

„Ова е само почеток. Наша цел е во рок од една година сите основни училишта во Чаир да бидат опремени со нови клупи и столчиња од овој стандард. Со ова значително ќе ги унапредиме условите за работа во училиштата и ќе обезбедиме подобри услови за учениците,“ додаде Меџити.

Општина Чаир продолжува со своите активности за модернизација на образовниот систем, со цел да обезбеди квалитетно образование и подобри услови за учениците во сите училишта во општината.