МТМ НЕТ

Гевгелија Мол, новата шопинг дестинација која ветува искуство за сите вкусови, свечено ги отвора своите врати оваа сабота, 13 декември 2025 година, во 12 часот. Лоциран на само 200 метри од автопатот Е-75 и неколку минути од граничниот премин Богородица, центарот е позициониран да стане омилено место за шопинг и забава во регионот.

Молот се простира на површина од 10.000 m² и се одликува со впечатлива модерна архитектура и внимателно дизајнирани продавници. Отворањето ќе биде вистински празник со богата програма, вклучувајќи изненадувања и забава за најмладите со Дедо Мраз, интерактивни игри и анимации. За музичкиот дел ќе се погрижат два диџеја, а ќе настапат и Лара Иванова и Trinity Band. Енергијата од настанот ќе се пренесува во живо преку отвореното студио на Радио Урбан ФМ.

„Гевгелија Мол“ нуди разновидна понуда, меѓу која се издвојува најголемото „Jumbo“ во Македонија, Duty Free / Travel Free продавница, како и ексклузивниот Amore Mio – Luxury Brands Outlet. Во рамки на аутлетот, посетителите ќе може да се подноват со парчиња од повеќе од 25 светски луксузни брендови, вклучувајќи ги Armani, Balmain, Balenciaga, Gucci, Burberry, Versace, Valentino и Dolce & Gabbana.

Понудата е збогатена и со SOHO кафуле, M Outlet, како и слатки задоволства од Marfi macarons и деликатесите на Vori од Гевгелија. Покрај модните брендови, во центарот се наоѓаат и VERO, спортските брендови Champion, Diadora и FILA, книжарницата The Book Shop, аптека, менувачница со Tax-Free услуга, продавница за накит, како и игротека и забавен парк за најмладите.

Со оваа инвестиција од 10 милиони евра од „Монополист Инвест“, регионот добива нов центар кој носи нова енергија и дополнителни можности за градот и околината, обезбедувајќи модерен амбиент за шопинг, прошетки, средби и забава.