МТМ НЕТ

Владата на Mакедонија донесе одлука со која се воведува повластена даночна стапка од 10% за промет на моторни горива и мазива. Оваа мерка ќе важи во периодот од 24 март со полноќ до 6 април до полноќ.

Министерството за енергетика, рударство и минерални суровини информира дека со координирани мерки на Владата и надлежните институции е постигната стабилност на цените на горивата, спречувајќи дополнително поскапување. Регулаторната комисија за енергетика донесе нови цени кои ќе важат од полноќ до следниот вторник: ЕУРОСУПЕР БС‑95 – 86,50 ден/литар, ЕУРОСУПЕР БС‑98 – 88,50 ден/литар, ЕУРОДИЗЕЛ БС – 95,50 ден/литар, масло за горење ЕЛ‑1 – 92,00 ден/литар и мазут М‑1 НС – 47,610 ден/кг.

Најавеното намалување на ДДВ за горивата од 18 на 10 проценти нема да доведе до поевтинување, туку главно ќе го ублажи очекуваното поскапување, покажуваат пресметките врз основа на податоците што ги објави Владата.

По намалувањето на стапката на ДДВ за нафтените деривати од 18 на 10 проценти, се очекува Регулаторната комисија за енергетика да ги објави новите малопродажни цени на горивата, но засега нема официјално соопштение.

Цената на нафтата на светските пазари бележи нагло зголемување и во одредени моменти надмина 110 долари за барел, што предизвикува загриженост за нов раст на цените на горивата.