МТМ НЕТ

Францускиот дефанзивец Дајот Упамекано официјално го продолжи својот договор со Баерн Минхен, кој сега ќе трае до 30 јуни 2030 година. Со ова продолжување, клубот го обезбеди еден од своите клучни играчи во одбраната, со оглед на тоа дека неговиот претходен договор требаше да истече ова лето.

Упамекано е дел од Баерн од 2021 година, кога дојде од RB Лајпциг, и досега има настапувано на 180 натпревари, постигнувајќи шест голови и забележувајќи девет асистенции, како и освоено три титули во Бундеслигата и три германски Суперкупа.

Клубот во своето соопштение истакна дека Упамекано се развил во еден од врвните интернационални играчи и лидер во тимот, а неговата посветеност ја покажува и силната спортска визија на клубот. Од своја страна, 27‑годишниот дефанзивец истакна дека е среќен што ќе продолжи да игра за Баерн и дека има амбиции да освојува нови трофеи и да дава максимум на секој натпревар и тренинг.

Со продолжувањето на договорот, Баерн ја зацврстува својата одбранбена линија за наредните години и испраќа јасна порака за стабилност и амбиции на клубот.