МТМ НЕТ

Општина Илинден ја потврди својата посветеност на транспарентната комуникација со граѓаните, организирајќи отворен ден посветен на креирањето на Буџетот за 2026 година.

Настанот се одржа во просториите на Општината, каде граѓаните имаа можност директно да ги презентираат своите идеи, барања и предлози пред општинското раководство. Градоначалникот Александар Георгиевски, заедно со претставници од општинската администрација и директорите на јавните претпријатија, оствари непосредна средба со жителите.

Со овој отворен пристап, граѓаните на Илинден добија можност директно да учествуваат во распределбата на средствата и во дефинирањето на приоритетите за наредната година.

Од Општината информираат дека сите поднесени предлози и барања ќе бидат темелно разгледани и анализирани од страна на стручните служби. Согласно финансиските можности на Општината и издржливоста на предложените проекти, тие ќе бидат вклучени во Програмата за работа и Буџетот на Општина Илинден за 2026 година.