МТМ НЕТ

Општина Илинден и црквата „Св. Константин и Елена“ ги покануваат верниците и граѓаните на традиционалната манифестација по повод големиот христијански празник Богојавление – Водици. Централниот настан, чинот на положување на светиот крст, ќе се одржи во понеделник, на 19 јануари, со почеток во 12:00 часот во водите на езерото во хотелот „Белви“.

Сите граѓани кои сакаат да бидат дел од овој свечен чин и да се обидат да го фатат светиот крст, можат да се пријават во просториите на храмот „Св. Константин и Елена“ во населбата Илинден. За најсреќниот меѓу учесниците, кој ќе успее да го извлече крстот од осветените води, организаторите и покровителот Општина Илинден обезбедија пригодни награди и подароци.

Манифестацијата, која секоја година привлекува голем број посетители, има за цел да ја продолжи вековната традиција и да го одбележи празникот во дух на заедништво и духовна радост. Локалната самоуправа ги повикува сите жители на заедничко чествување на овој голем ден за православните христијани.