МТМ НЕТ

Дарио Ивановски постигна трет најдобар резултат во неговата спортска кариера и ја мина целта со време од 2:12:23 часа на меѓународниот маратон во Севиља, Шпанија.

Тој уште еднаш ја потврди својата одлична форма и врвна подготвеност, а со постигнатиот резултат ја зацврстува својата позиција за пласман преку ранкинг на ЕП во Бирмингам. 

Во исклучително тешка и масовна конкуренција, тој го зазеде 38-то место, покажувајќи неверојатна ментална и физичка сила во клучните моменти од трката.

"Овој успех на Дарио е само уште една потврда дека неговата посветеност и патот кон Олимписките игри во Лос Анџелес 2028 се правилно трасирани. Како стипендист на МОК, тој е пример за професионализам и мотив за сите млади и идни врвни македонски спортисти-Олимпијци. МОК продолжува да дава целосна поддршка во неговите подготовки и учество на врвни спортски настани, верувајќи дека најдоброто од Дарио допрва претстои", информираат од МОК.