МТМ НЕТ

Градоначалникот на Град Скопје, Орце Ѓорѓиевски, денеска оствари работна средба со амбасадорката на Кралството Холандија, Н.Е. Озлем Канел, со цел унапредување на соработката и продлабочување на партнерските односи.

На состанокот се разговараше за можностите за реализација на заеднички проекти во повеќе области, меѓу кои образованието, културата, локалниот економски развој и креативните индустрии. Двете страни разменија идеи за конкретни иницијативи што би придонеле за динамичен и одржлив развој на главниот град.

Беше потенцирана потребата од партнерски пристап, примена на иновативни решенија и стратешко планирање на долг рок, како предуслов за креирање квалитетни јавни политики. Притоа, беше изразена заедничка подготвеност за реализација на нови проекти од взаемен интерес, насочени кон подобрување на животниот стандард на граѓаните.