МТМ НЕТ

Деветтото издание на Медиумскиот фестивал Скопје (МФС), во организација на Платформата за истражувачко новинарство и анализи (ПИНА), годинава е целосно посветено на влијанието на вештачката интелигенција (ВИ) врз новинарството. Фестивалот ќе биде отворен во понеделник, 22 декември, со дискусијата „Новинарството пред пресврт“ во мултимедијалниот простор „Котур“. Трите фестивалски дена нудат бесплатна програма за сите заинтересирани, фокусирајќи се на етичките дилеми, регулативите и потенцијалот на ВИ како алатка во истражувачкото новинарство.

ЈП „Водовод и канализација“ известува дека поради санирање на уличен дефект на крстосницата меѓу улиците „Георги Скрижевски“ и „Партение Зографски“, во четврток (18 декември 2025 година) дел од граѓаните ќе останат без вода.

Градоначалникот на Град Скопје, Орце Ѓорѓиевски, денеска оствари работна средба со амбасадорката на Република Хрватска во земјава, Н.Е. Нивес Тигањ. На средбата, која помина во пријателска и конструктивна атмосфера, беа разгледани конкретните можности за унапредување на меѓународната соработка со фокус на развојот на локалната заедница и модернизација на градските услуги.

Иницијативата на граѓанската платформа „Зелен хуман град“ за празници без пиротехника вроди со плод, откако градоначалникот на Општина Кисела Вода и актуелен претседател на ЗЕЛС, Орце Ѓорѓиевски, најави дека на претстојната прослава нема да има организиран огномет. Од платформата велат дека ова е резултат на силен институционален притисок преку нивниот советник Марјан Калевски, но и на големата поддршка од граѓаните кои масовно се приклучија во кампањата.

Празничниот дух официјално пристигнува во Скопје Сити Мол со отворањето на најголемиот Новогодишен базар, кој ќе трае 16 дена, почнувајќи од утре, 16 декември, па сè до 31 декември. Приземјето на трговскиот центар ќе се трансформира во колоритно и креативно место, каде ќе се претстават 50 современи занаетчии од целата држава.

Јавното претпријатие „Комунална хигиена“ – Скопје информира за интензивните активности во изминатата недела за одржување на јавната чистота во градот.

Телеметриската сеизмолошка мрежа на Македонија утрово регистрираше земјотрес чиј епицентар потекнува од пограничното епицентрално подрачје Урошевац.

Градот Скопје и официјално ја започнува процедурата за изградба на новиот Луна парк, проект кој со децении беше само ветување за жителите на главниот град. Градоначалникот Орце Ѓорѓиевски денеска информираше дека е распишана јавната набавка за проектирање и монтажа, со што се става крај на долгогодишното чекање и се отвора патот за реализација на модерен забавен парк според највисоките европски стандарди. Новиот забавен комплекс ќе се простира на површина од 84.000 квадратни метри и е замислен како еден од најпрестижните центри за забава во поширокиот регион. Проектот вклучува разновидни и иновативни содржини меѓу кои се ролеркостери, водени атракции, панорамско тркало, пиратски брод, подморница и зони со виртуелна реалност. Овој простор нема да биде наменет само за адреналинска забава, туку ќе прерасне во мултифункционален семеен центар со зони за одмор, театар со затворена сцена и посебни локации предвидени за културни настани и улична уметност.

Градоначалникот на Град Скопје, Орце Ѓорѓиевски, денеска оствари значајна протоколарна средба со висока делегација од Амбасадата на Јапонија, предводена од амбасадорката Н.Е. Сецуко Кавахара. На состанокот, кој помина во исклучително конструктивна атмосфера, присуствуваа и заменик-амбасадорката Шимасаки Терујо, како и советникот Ариан Шумковски, при што беа разгледани можните насоки за идна соработка помеѓу Скопје и јапонската држава.

Градот Скопје денеска спроведе обемна и координирана акција со цел воспоставување ред, контрола и почитување на законските прописи на јавните простори низ целата територија на градот. Во акцијата учествуваа градскиот инспекторат, Државниот пазарен инспекторат (ДПИ) и Министерството за внатрешни работи (МВР), а активностите беа насочени кон отстранување на нередот и незаконското делување на улицата „Пластичарска“ и на локацијата „Зимзоленд“.

По иницијатива на градоначалникот Орце Ѓорѓиевски, Градот Скопје ја организира манифестацијата „УКРАСУВАМЕ ПО СКОПСКИ“, со цел да ги мотивира жителите на главниот град да ги украсуваат своите домови и со тоа да придонесат во разубавувањето на празничниот амбиент за време на Новогодишните и Божиќните празници.

Градоначалникот на Град Скопје, Орце Ѓорѓиевски, денеска оствари значајна средба со амбасадорката на Соединетите Американски Држави, Н.Е. Анџела П. Агелер, која за првпат во својство на амбасадорка официјално го посети Градот Скопје. На средбата присуствуваше и делегација од Амбасадата на САД, вклучувајќи го Дејвид Маерс, шеф на Политичко-економскиот оддел, како и Розита Мреношки, помошник за политичко-економски прашања.

Градот Скопје продолжува со интензивни активности насочени кон обновување на јавните површини и подобрување на урбаниот амбиент, со посебен фокус на враќање на достоинствениот изглед на централното градско подрачје. Со засилен ангажман и координација на сите градски служби, започнати се интервенции на места што со години беа занемарени и оставени без основно одржување.

Градот Скопје започнува со целосна енергетска трансформација на своите образовни институции. На денешната седница на Советот, градоначалникот Орце Ѓорѓиевски ја потврди својата кампањска заложба, најавувајќи дека секое средно училиште на територијата на градот ќе добие сопствен фотоволтаичен систем до крајот на неговиот мандат.

Градот Скопје интензивно продолжува со унапредување на спортската инфраструктура во скопските средни училишта, со цел создавање здрави, активни и мотивирани генерации. Овие инвестиции претставуваат важен чекор кон обезбедување современи услови за спорт и рекреација, кои ќе им овозможат на средношколците повеќе можности за развој и градење спортски навики.

Градоначалникот на Град Скопје, Орце Ѓорѓиевски, денеска оствари работна средба со амбасадорот на Франција, Н.Е. Кристоф Ле Риголер, на која беше претставена визијата за долгорочен развој на главниот град, заснована на одржливи политики и европски стандарди.

Град Скопје упатува апел до сите даночни и таксени обврзници, правни и физички лица, итно да ги подмират своите обврски кон градот. Средствата од даноците на имот и комуналните такси се основни извори на приходи кои се користат за финансирање на основните градски функции, изведба на инфраструктурни проекти, ко-финансирање на комуналните претпријатија и установи, како и за покривање на трошоците на средните училишта.

Со оглед на приближувањето на зимската сезона и очекуваните епизоди со зголемено загадување на амбиенталниот воздух, Секторот за заштита на животната средина при Град Скопје предлага мерки и препораки насочени кон граѓаните. Целта е да се подобри квалитетот на воздухот, особено во претстојниот период.