МТМ НЕТ

По повод Меѓународниот ден на учителот, градоначалникот на Град Скопје, Орце Ѓорѓиевски, упати честитка до сите просветни работници, истакнувајќи ја нивната непроценлива улога во воспитувањето и градењето на генерациите што доаѓаат.

Во својата порака, тој нагласи дека секој од нас ноcи спомен за барем еден учител кој препознал талент, дал поддршка во клучните моменти и оставил трага во личниот развој.

Ѓорѓиевски им оддаде посебна почит на најуспешните професори кои во изминатата година се истакнале со својата посветеност, професионален развој и вложување во квалитетно образование.

Тој потсети дека зад нивните успеси и признанија стојат илјадници часови подготовка и искрена желба секој ученик да го покаже својот максимум.

Воедно, градоначалникот порача дека Град Скопје останува цврсто посветен на создавање подобри услови во образовниот систем преку конкретни инвестиции и поддршка за наставничкиот кадар, со цел училиштата да бидат места на инспирација, знаење и вистински вредности.

Фото: https://www.facebook.com/1OrceGj