МТМ НЕТ

Во Општина Аеродром, во соработка со Агенцијата за иновации, научно-технолошки развој и претприемништво (ИНОВА) и Агенцијата за вработување, започна реализацијата на мерката „Поддршка за самовработување – Претприемништво“.

Градоначалникот Дејан Митески истакна дека оваа иницијатива претставува значаен чекор во поддршката на сите лица со иновативни идеи и храброст да започнат сопствен бизнис, со што директно се инвестира во отворање нови работни места и развој на локалната економија.

Митески потенцираше дека малите и средни претпријатија се вистински амбасадори на локалниот потенцијал на Аеродром, поради што обврска на локалната самоуправа е да обезбеди стимулативна средина за нивен развој.

Тој изрази посебна благодарност до заменик-министерот за економија и труд Марјан Ристески, директорката на ИНОВА Даниела Димовска и заменик-директорката на Агенцијата за вработување Весна Пешова за нивната посветеност и партнерство во овој процес.

На крајот, градоначалникот им посака многу успех на сите учесници на обуките, изрази верба дека меѓу нив се кријат идните успешни бизнис-приказни на општина Аеродром и потврди дека општината ќе остане отворен партнер за сите што сакаат да создаваат нови вредности.

Фото: https://www.facebook.com/miteskid