МТМ НЕТ

Во Националниот археолошки музеј во Скопје вечерва со почеток во 18:00 часот ќе се одржи инклузивниот и креативен настан „Приказна што се носи“, посветен на одржливоста и заштитата на животната средина.

Во рамките на иницијативата, старите банери од минати музејски изложби добиваат сосема нов живот преку преработка во уникатни рачно изработени чанти, ранци и несесери.

Проектот е реализиран во соработка со ДСУРЦ „Партенија Зографски“ и креативниот иницијатор „Прекроено МК“, со што се става акцент на важноста од повторната употреба на материјалите, социјалната инклузија и заедничката работа.

Овој настан е дел од официјалната програма со која Археолошкиот музеј ги одбележува Европските денови на културното наследство, следејќи ја овогодишната темата „Наследство во ризик – Оживеј – Заштити – Преосмисли“.

Преку специјална ревија на овие креации, организаторите покажуваат дека отпадните материјали можат да прераснат во вредни предмети со своја сопствена приказна.

Фото: Министерство за култура и туризам