МТМ НЕТ

Поради изведување приклучок и дефекти на водоводната мрежа, денеска прекинато водоснабдување ќе имаат корисници во повеќе делови на Скопје.

Од 08:30 часот без вода ќе бидат дел од Маџари и новата населба Хиподром, поради приклучок од Ф-150 мм на улицата „1657“/7 и стопирање на мрежа од Ф-100 мм на улицата „Благоја Стефковски“. Во Трубарево ќе има намален притисок.

Прекинот ќе трае до санирање на дефектот.

Од 09:00 часот без вода ќе бидат и корисниците на улиците „Фан Ноли“, „Чаирска“, „Јајце“, „Челопек“, „Аврам Писевски“, „Зеф Љуш Марку“, „Бајрам Шабани“ и улица 157.

Од „Водовод и канализација“ информираат дека таму причината е уличен дефект на водоводна цевка Ф-150 мм на улицата „Цветан Димов“, кај Хатунџук џамија.

Водоснабдувањето ќе биде прекинато до завршување на санацијата.