МТМ НЕТ

На седницата на Советот на Град Скопје е донесена одлука за драстично намалување на новите вработувања и реална оптимизација на администрацијата во сите јавни претпријатија и установи, со што се става крај на долгогодишните практики на неконтролирано зголемување на бројот на вработени на товар на градскиот буџет.

Како што истакна градоначалникот Орце Ѓорѓиевски, за првпат се предвидуваат помалку нови вработувања, при што вкупниот број на вработени во претпријатијата се намалува по законски основи, а административните позиции се сведени на минимум.

Наспроти тоа, приоритет се дава на теренските работници и оперативниот кадар неопходен за секојдневното функционирање на градот, како што се возачите во ЈСП и работниците во ЈП „Комунална хигиена“, со цел подобрување на јавниот превоз, чистотата и уредените зелени површини.

Ѓорѓиевски нагласи дека со ова стратешко преструктуирање се штити буџетот и се насочуваат средствата таму каде што се најпотребни за граѓаните, со цел воведување ред, одговорност и поефикасно обезбедување на јавните услуги во главниот град.