Битолското акустично дуо Трето Колено овој петок, симболично на 13-ти, официјално го објавува својот прв студиски албум насловен „Простор без движење“. Со ова издание, составот го заокружува својот досегашен авторски пат и пред публиката претставува ново музичко поглавје.
Албумот содржи осум композиции, со текстови на македонски и англиски јазик, кои заедно формираат концептуална и звучна целина. Од бендот го опишуваат материјалот како интимно и атмосферично патување – своевидна прошетка низ потсвеста, исполнета со суптилни емоции и спомени на значајни средби, сместени во симболичен простор надвор од времето и движењето.
Со „Простор без движење“, „Трето Колено“ нуди внимателно изграден акустичен израз, во кој минимализмот и лиричноста се спојуваат во препознатлива авторска естетика.
