МТМ НЕТ

Сите испитани примероци од водоснабдителниот систем на Скопје се во согласност со прописите за безбедност и квалитет на водата за пиење, информира ЈП „Водовод и канализација“.

Во текот на вчерашниот ден, 6 октомври, Секторот за санитарна контрола зел 41 примерок од водоводната мрежа, од кои три биле од бунарскиот потег Нерези–Лепенец.

Примероците се испитуваат во акредитирани лаборатории со физичко-хемиски и микробиолошки анализи, согласно важечкиот правилник за безбедност и квалитет на водата за пиење.

Од „Водовод и канализација“ посочуваат дека според добиените резултати, сите испитани примероци од скопскиот водоснабдителен систем одговараат на пропишаните стандарди.