МТМ НЕТ

Градоначалничката на Општина Кисела Вода, Бети Стаменкоска Трајкоска, изврши увид во тековните градежни активности за целосна реконструкција на улицата „Иван Хаџиниколов“ со придружните краци и улицата „Герника“ во населбата Драчево.

Проектот опфаќа инфраструктурен зафат во вкупна должина од 1,9 километри, чии средства се обезбедени од Владата преку унгарскиот кредит, а се реализира во координација со Министерството за транспорт.

Градоначалничката истакна дека овој капитален проект е резултат на одличната институционална соработка и синергија, со што директно се подобрува секојдневието на жителите од овој дел на општината.

Таа порача дека локалната самоуправа продолжува со посветената работа за обезбедување современа урбана инфраструктура и побезбедни услови за живот за сите граѓани.

Фото: https://www.facebook.com/betistamenkoska