МТМ НЕТ

Членот на Извршниот одбор на СДСМ, Андреј Жерновски, на денешната прес-конференција го обвини премиерот Христијан Мицкоски дека води свесна стратегија за оддалечување на Македонија од Европската Унија.

Според Жерновски, посетата на претседателката на Европската комисија, Урсула фон дер Лајен, ги потопила долгогодишните лаги на актуелната власт за наводно загрозен македонски идентитет и јазик, потврдувајќи дека тие се целосно заштитени, а дека на масата за европскиот пат остануваат исклучиво реформите, уставните измени и соработката со европското обвинителство.

Жерновски истакна дека владејачката структура намерно создава атмосфера на конфликт и ги поткопува претстојните разговори со источниот сосед уште пред тие да започнат, враќајќи ја дебатата во минатото наместо да се фокусира на европската иднина.

Тој додаде дека ваквата политика на изолација и избегнување на преговорите одговара на власта бидејќи стравува од строгите европски правила и механизми, заклучувајќи дека СДСМ цврсто ќе се бори против оваа стратегија за државата да го фати чекорот со европското семејство.

Фото и видео: СДСМ