МТМ НЕТ

Македонскиот културен центар во Истанбул на 8 октомври организира значајна музичка вечер на која пред турската публика ќе настапат истакнатиот македонски виолинист Јаков Ангелов и пијанистот Арда Мустафаоглу.

Концертот ќе се одржи во историската Ерменска католичка црква „Сурп Левон“, со почеток во 19:00 часот, како дел од долгогодишната соработка помеѓу Центарот и Асоцијацијата на Истанбулската филхармонија.

На програмата се предвидени врвни класични дела од светските композитори Шопен, Бетовен, Витали, Крајслер, Виенјавски и Сен-Санс.

Како посебен дел од репертоарот, уметниците ѝ ја претставија македонската музичка традиција преку изведба на народната песна „Кажи, Анѓо“, во специјален аранжман на Сони Петровски и преработка на Мустафаоглу.

Фото: https://kultura.gov.mk/