МТМ НЕТ

Општина Карпош ја започна годишната акција за есенска дератизација на својата територија, која е планирано да се реализира до крајот на оваа календарска година.

Главна цел на овие активности е успешна контрола и уништување на штетните глодари, како и навремена превенција од појава и ширење на заразни болести.

Како што информираат од општинската самоуправа, со акцијата за дератизација предвидено е да бидат опфатени околу 5.000 шахти ширум населените места во Карпош.

Претходно, во рамките на овие превентивни мерки, успешно беа спроведени и дезинфекција, дезинсекција и дератизација во сите основни училишта и детски градинки на подрачјето на општината, со што продолжува грижата за заштита на јавното здравје и создавање побезбедна и поздрава животна средина за граѓаните.