МТМ НЕТ

Министерот за локална самоуправа Иван Стоилковиќ оствари средба со делегацијата на Конгресот на локални и регионални власти на Советот на Европа, која престојува во мониторинг-посета на земјата во периодот од 6 до 8 октомври 2026 година.

На средбата присуствуваа коизвестувачите за локална демократија, Андерс Кнапе од Шведска и Матијас Гизин од Швајцарија, како и Ивета Рајнхолде од Групата независни експерти за Европската повелба за локална самоуправа.

Во фокусот на разговорите беа состојбата со локалната демократија, функционалноста на единиците на локалната самоуправа и исполнувањето на обврските од Европската повелба за локална самоуправа, која државата ја ратификуваше во 1997 година.

Посебно внимание беше посветено на претходните препораки на Конгресот и напредокот во нивното спроведување, со цел унапредување на институционалните капацитети.

По завршувањето на теренската посета, делегацијата ќе подготви нов извештај и препораки кои ќе бидат разгледани на една од претстојните сесии на Конгресот на Советот на Европа.

Фото: https://vlada.mk/