МТМ НЕТ

Градоначалникот на Општина Гази Баба, Бобан Стефковски, оствари работна посета на ООУ „Његош“, каде изврши увид во реализираните и тековните капитални проекти насочени кон целосно подобрување на условите за учениците и наставниот кадар.

Во рамките на изминатиот период, во ова училиште беа реализирани неколку клучни зафати, меѓу кои целосна реконструкција на училишните тоалети, набавка на нов инвентар за дел од кабинетите, како и целосно опремување на новиот кабинет за информатика со современи компјутери и неопходна опрема за развој на дигиталните вештини на учениците.

Паралелно, во училиштето започна поставувањето на нови инвертер клима-уреди, со што успешно се имплементира проектот „Климатизирани училници“ кој беше дел од изборната програма на градоначалникот.

Стефковски нагласи дека со овие зафати не се запира развојот на училишната инфраструктура, најавувајќи почеток на подготвителните активности за новата доградба на објектот, која ќе обезбеди дополнителен простор и уште подобри услови за непречено одвивање на образовниот процес.

Фото: https://www.facebook.com/StefkovskiB