МТМ НЕТ

Градоначалникот на Град Скопје, Орце Ѓорѓиевски, информираше дека во тек е целосна реконструкција и уредување на Жена парк – „Борец“, еден од најпрепознатливите зелени оази во срцето на главниот град.

Градежните активности предвидуваат целосна замена на досегашните патеки и подни плочки со нови мермерни плочки, кои на просторот ќе му дадат поблагороден изглед соодветен на неговата локација и историско значење.

Во рамките на проектот се врши и реставрација на постојната урбана опрема, како и дополнително хортикултурно уредување за збогатување на зелената површина.

Градоначалникот потсети дека во претходниот период веќе беше ставен во функција Вечниот оган кај фонтаната, нагласувајќи дека грижата за градот останува врвен приоритет преку обновување на постојните паркови и креирање нови катчиња за одмор и дружење на сите генерации.

Фото: https://www.facebook.com/1OrceGj