МТМ НЕТ

Во рамките на Основното општинско училиште „Блаже Конески“ во општина Аеродром во завршна фаза е изградбата на ново повеќенаменско спортско игралиште со површина од 360 квадратни метри, наменето за кошарка и одбојка.

Градоначалникот на Општина Аеродром, Дејан Митески, информираше дека во моментов се изведуваат завршните градежни работи за боење и уредување на спортската површина, која е изведена со современа трислојна лиена гумена подлога со висока издржливост, целосно приспособена за сите временски услови.

При изведбата се користени материјали кои се безбедни за здравјето на учениците и за животната средина, со што се создава уреден и сигурен простор за спорт, рекреација и поттикнување на физичката активност и тимскиот дух кај децата.

Од општинската управа нагласуваат дека овој проект претставува уште еден чекор кон подобрување на спортската инфраструктура во училиштата и создавање квалитетни услови за активен и здрав развој на најмладите жители на општината.

Фото извор: https://www.facebook.com/miteskid