МТМ НЕТ

Општина Аеродром започна со реализација на активности насочени кон уредување и модернизирање на јавните површини во повеќе населени места.

Во рамките на овие зафати на терен се поставуваат нови клупи за седење и канти за отпадоци, додека на постојните бетонски клупи им се додаваат нови дрвени седишта со цел зголемување на нивната функционалност и уредност.

Паралелно со поставувањето на урбаната опрема, локалната самоуправа информира дека интензивно се работи и на обнова и уредување на детските и спортските игралишта низ општината.

Овие активности се насочени кон создавање побезбедни, пофункционални и попријатни услови за детска игра, спорт, рекреација и секојдневни средби на граѓаните од сите генерации.

Градоначалникот Дејан Митески нагласи дека овие мерки се дел од континуираните напори за подобрување на урбаниот амбиент и подигнување на квалитетот на секојдневниот живот во општината.

Фото извор: https://www.facebook.com/miteskid