МТМ НЕТ

По повод 5 Октомври – Светскиот ден на наставникот, Општина Аеродром организираше свечен настани на кој им додели признанија и парични награди во износ од 10.000 денари на најуспешните наставници од осумте основни училишта на територијата на општината.

Признанијата лично им ги врачи градоначалникот Дејан Митески, кој им се заблагодари за исклучителната посветеност, трудот и љубовта со која ја вршат оваа благородна професија.

Наградените просветни работници доаѓаат од сите локални основни училишта, со што се одбележа нивниот придонес кон воспитувањето и образувањето на генерациите што растат во Аеродром.

Имињата на добитниците се Марјан Куцулоски (ООУ „Лазо Ангеловски“), Сања Димитриева (ООУ „Александар Македонски“), Звонко Лукрис (ООУ „Ѓорѓија Пулевски“), Љупка Павловска (ООУ „Димитар Македонски“), Магдалена Илиоска-Трајковска (ООУ „Гоце Делчев“), Соња Вељановска (ООУ „Блаже Конески“), Маја Божиновска (ООУ „Љубен Лапе“) и Зорица Вучиниќ (ООУ „Браќа Миладиновци“).

Градоначалникот Митески упати и посебна благодарност до директорите на основните училишта за нивната соработка, поддршка и постојано инвестирање во подобрување на условите за работа на наставниот кадар и учениците, нагласувајќи дека општината ќе продолжи да биде силен партнер на образовниот сектор.

Фото: https://www.facebook.com/miteskid