МТМ НЕТ

Паркот на новинарите спроти објектот на „Нова Македонија“ е расчистен и повторно ставен во функција на граѓаните, информира градоначалникот на Општина Центар, Горан Герасимовски.

Како што објави тој, општината во координација со надлежните служби го расчистила јавниот простор по пријави од граѓани за отпад, импровизирани шатори и нарушување на јавниот ред и мир. Од просторот биле отстранети и бездомни лица.

Герасимовски апелира до Министерството за труд и социјална политика итно да се вклучи во решавањето на статусот на овие лица, со цел, како што наведува, да се спречи повторување на ваквите ситуации.

„Паркот повторно им се враќа на граѓаните – чист и безбеден“, порача Герасимовски.