МТМ НЕТ

Во изминатата недела, инспекциските служби на Општина Центар спроведоа интензивни контроли на терен, при што изрекоа парични казни во износ од 1.300 до 1.800 евра за четири градилишта поради незаконско оставање градежен материјал и шут на јавни површини.

Градоначалникот Горан Герасимовски истакна дека тротоарите и улиците не се простор за складирање градежни материјали и дека тие мора да бидат чисти, безбедни и целосно слободни за непречено движење на граѓаните.

Тој нагласи дека инспекторите остануваат постојано на терен, а контролите продолжуваат со исто темпо, со јасна порака дека секој што ги крши прописите и го узурпира јавниот простор ќе биде санкциониран.

Во оваа насока, Герасимовски упати апел до инвеститорите и градежните компании максимално да ги почитуваат своите законски обврски, да се грижат за комуналниот ред, чистотата и безбедноста во околината на градилиштата, со цел заштита на јавниот интерес и сигурноста на жителите.