МТМ НЕТ

Општина Центар започна нова вонредна дератизација на критични локации во населбите Буњаковец, Капиштец и Градски ѕид, како директен одговор на бројните пријави од граѓаните за зголемено присуство на глодари на овие подрачја.

Оваа интервенција претставува втора вонредна акција во последните два месеца, која се спроведува покрај веќе реализираната редовна пролетна дератизација, а од општинската власт најавуваат дека наскоро ќе следи и редовната есенска фаза.

Градоначалникот на Општина Центар, Горан Герасимовски, истакна дека самата хемиска третманска заштита не е доволна доколку нема целосна институционална координација.

Тој упати јавен апел до Град Скопје и надлежните градски јавни претпријатија редовно и навремено да ги празнат и одржуваат контејнерите, како и да ја одржуваат канализационата мрежа, нагласувајќи дека само со заедничко, синхронизирано и континуирано постапување на сите надлежни институции може да се постигне вистински и траен ефект на терен за заштита на хигиената и јавното здравје.