МТМ НЕТ

Општина Центар продолжува со реализацијата на зацртаните инфраструктурни проекти, а во тек се интензивни градежни активности за комплетирање на последната фаза од реконструкцијата на улицата „Ленинова“.

Како што информира градоначалникот Горан Герасимовски, актуелните зафати се однесуваат на завршните 250 метри од улицата, на потегот од булеварот „Илинденска“ до зградата на Министерството за земјоделство, шумарство и водостопанство.

Во рамките на овие активности се врши целосно уредување на коловозот и пешачките површини, поставување нови рабници, прецизно нивелирање на сливниците и уличните шахти, како и целосна реконструкција на мрежата за јавно осветлување и збогатување на просторот со ново урбано зеленило.

Со реализацијата на оваа фаза се заокружува целокупната реконструкција на улицата „Ленинова“ во вкупна должина од над 600 метри, со што на жителите, пешаците, велосипедистите и возачите им се обезбедува модерна, функционална и побезбедна сообраќајна инфраструктура.

Фото извор: https://www.facebook.com/gerasimovskig