МТМ НЕТ

Општина Центар продолжува со реализацијата на теренските акции за расчистување на критичните точки и подобрување на комуналната хигиена, при што во населбата Маџир Маало е отстранет импровизиран и руиниран објект кој претставувал сериозна закана за безбедноста и здравјето на жителите.

Како што информира градоначалникот Горан Герасимовски, по извршената детаљна инспекциска проверка било утврдено дека објектот нема сопственик, по што надлежните општински служби веднаш интервенирале и пристапиле кон негово рушење и отстранување.

Просторот, кој претходно бил претворен во мини-депонија, сега е целосно расчистен и доведен во уредна состојба.

Од локалната самоуправа нагласуваат дека овие акции продолжуваат и во наредниот период низ сите делови на општината, со цел да се обезбеди чиста, здрава и безбедна животна средина за секој граѓанин.

Фото извор: https://www.facebook.com/gerasimovskig