МТМ НЕТ

Општина Центар, во соработка со Центарот за асистивна технологија при здружението „Отворете ги прозорците“, започна со обезбедување бесплатна и целосно индивидуализирана стручна поддршка наменета за деца и млади со попреченост, како и за нивните семејства.

Градоначалникот на Општина Центар, Горан Герасимовски, истакна дека дигиталната инклузија всушност претставува обезбедување еднакви можности за развој на секое дете.

Преку примена на современа асистивна технологија, секое дете добива стручна поддршка прецизно приспособена на неговите индивидуални потреби и способности, што му овозможува полесно да комуницира, да учи, поактивно да се вклучи во образовниот процес и да стекне поголема самостојност во секојдневниот живот.

Герасимовски нагласи дека основната цел на оваа иницијатива е технологијата да биде широко достапна и да отвори нови можности за учење и независност, порачувајќи дека општината продолжува посветено да гради поинклузивна заедница во која секое дете има отворен пат за развој на своите потенцијали.

Фото извор: https://www.facebook.com/gerasimovskig