МТМ НЕТ

Во Општина Центар започна асфалтирањето на претпоследните 250 метри од улицата „Ленинова“, со што активно се финализира третата фаза од значајната реконструкција на потегот од булеварот „Партизански одреди“ до Министерството за земјоделство, шумарство и водостопанство.

Како што истакна градоначалникот Горан Герасимовски, по завршувањето на асфалтните работи, проектот продолжува со целосно уредување на пешачките површини, модернизација и обнова на јавното осветлување, како и засадување ново урбано зеленило.

Со овие зафати „Ленинова“ добива целосно нов изглед, станувајќи побезбедна, пофункционална и попристојна сообраќајница за пешаците, велосипедистите и возачите.

Герасимовски нагласи дека со претстојниот четврти и последен дел од делницата целосно ќе се заокружи проектот „Ленинова 2“, со што локалната власт успешно ги остварува дадените ветувања за подобрување на патната инфраструктура и условите за секојдневно живеење во општината.

Фото: https://www.facebook.com/gerasimovskig