МТМ НЕТ

Со полагање цвеќе на споменикот на патронот Ѓорче Петров и со свечена седница на Советот на општината, Општина Ѓорче Петров го одбележа својот празник, посветен на ликот и делото на великанот на македонската револуционерна мисла, како и на сите генерации што придонеле за развојот на местото.

Градоначалникот Александар Стојкоски истакна дека развојот на општината денеска се мери со конкретни дела, потсетувајќи на бројните реализирани проекти во изминатиот период – од реконструирани километри улици и изградба на канализациска мрежа, до нови спортски содржини.

Тој нагласи дека овие инвестиции носат директни подобрувања во секојдневниот живот, создавајќи подобра инфраструктура, нови можности за децата и посигурна иднина за семејствата.

Воедно, Стојкоски најави нов инвестициски циклус кој опфаќа нови улици, инфраструктурни објекти и развојни проекти за секој дел од општината, со цел зачувување на наследеното и надградување на создаденото за идните генерации.

Фото извор: https://www.facebook.com/aleksandarstojkoskidr