МТМ НЕТ

Градоначалникот на Општина Илинден, Александар Георгиевски, изврши увид во тековните градежни активности кои се реализираат на улицата „3“ во локалната економска зона „Марино – Кадино“, со што продолжува суштинското унапредување на патната и комуналната инфраструктура во општинските стопански капацитети.

Во рамките на овие активности, улицата се асфалтира во должина од околу 400 метри и со ширина од 7 метри, а проектот опфаќа и изградба на современ систем за прифаќање и ефикасно одведување на атмосферските води.

Градоначалникот Георгиевски нагласи дека со овие зафати значајно ќе се подобри пристапноста до целата локална економска зона, ќе се создадат услови за побезбеден и поефикасен сообраќаен тек, а компаниите и стопанските субјекти што работат во овој реон ќе добијат подобри услови за непречено секојдневно функционирање и развој на нивните бизниси.

Фото извор: https://www.facebook.com/profile.php?id=100063857081671