МТМ НЕТ

Жителите на населбата Бардовци добија подобрени услови за живот и зголемена безбедност во секојдневното движење, откако Општина Карпош ја заврши комплетната реконструкција и уредување на Улица 1687.

Во рамките на реализираните градежни активности на оваа сообраќајница целосно е поставен нов слој асфалт, изградени се нови рабници и соодветни пешачки патеки, со што е овозможено сигурно и непречено движење за пешаците.

Дополнително, на теренот е поставено и ново модерно улично осветлување, со што целосно е осветлен и уреден јавниот простор во овој дел од населбата.

Од општинската управа истакнуваат дека со овие зафати се исполнуваат дадените ветувања кон граѓаните, со јасна цел за подобрување на локалната инфраструктура и подигнување на квалитетот на секојдневниот живот на локалното население.