МТМ НЕТ

Општина Карпош започна со реализација на активностите за реконструкција и уредување на спортските терени во основните училишта, создавајќи подобри услови за физичка активност и развој на младите спортски таленти.

Во рамките на овие зафати, во ООУ „Јан Амос Коменски“ е извршена успешна санација на оштетената ограда кај спортските терени, поправени се клупите за седење и поставени се нови мрежи на головите и на кошевите за баскет.

Дополнително, головите и реквизитите во училишниот двор беа темелно бојадисани, со што целиот простор доби уреден и свеж изглед во пресрет на свеченото отворање на овогодинешните училишни спортски лиги во фудбал и кошарка за момчиња, како и одбојка за девојчиња.

Од општинската управа истакнуваат дека локалната самоуправа континуирано инвестира во модернизација и унапредување на спортските капацитети, со цел да се обезбедат оптимални услови за сите ученици.

Фото извор: https://www.facebook.com/OpstinaKarpos