МТМ НЕТ

Општина Карпош ги поканува сите љубители на македонскиот фолклор и традиција на уникатен музички настап што ќе се одржи оваа недела, на 4 октомври, со почеток во 17:00 часот.

На сцената на Плоштадот „Делфина“ ќе застанат околу 200 членови на фолклорниот ансамбл „Етнос“, чии генерации се протегаат во широка старосна граница од 6 до 60 години.

Публиката ќе има можност да ужива во богата и разнолика програма исполнета со автентични македонски ора, традиционални песни и народни носии, кои сведочат за духот и културното наследство на македонскиот етнос.

Овој голем концерт е замислен како заедничко неделно попладне за дружење, со што општинските власти сакаат да ја продолжат поддршката за зачувување и промоција на македонскиот фолклор меѓу сите генерации.

Од Општина Карпош упатуваат отворен повик до сите граѓани да го посетат настанот, да ја поддржат оваа масовна уметничка манифестација и заедно да придонесат кон одржувањето на богатата традиција и музичка култура.

Фото: https://www.facebook.com/OpstinaKarpos