МТМ НЕТ

Општина Кисела Вода започнува со реализација на нова кампања под мотото „Вашата месна заедница - прва станица за секој проблем! Блиску до вас, блиску до решенијата!“, чија цел е административните услуги и поддршката да се доближат директно до местата на живеење на граѓаните и да се овозможи поефикасно решавање на секојдневните предизвици.

Градоначалничката на Општина Кисела Вода, Бети Стаменкоска Трајкоска, истакна дека иницијативата е насочена кон зајакнување на улогата на месните заедници како клучни локални ресурси.

За да се олесни комуникацијата и да се овозможи брз пристап до надлежните, телефонските броеви на претседателите и секретарите на сите 15 месни заедници се веќе јавно достапни на официјалната општинска веб-страница, а дополнително се подготвени и информативни летоци кои ќе бидат поделени до домаќинствата.

Стаменкоска Трајкоска нагласи дека кога иницијативите почнуваат од луѓето кои најдобро го познаваат своето маало, успехот и учеството во креирањето на локалните политики се загарантирани.

Таа ги повика жителите масовно да ги користат овие контакти, да стапат во контакт со своите претставници и активно да се вклучат во заедничкото унапредување на условите за живот во секоја населба.

Фото извор: https://www.facebook.com/betistamenkoska