МТМ НЕТ

Во рамките на Домот на културата „Билјана Беличанец“, Општина Кисела Вода денеска беше домаќин на централното одбележување на 5 Октомври – Меѓународниот ден на учителот, во организација на Сојузот на просветни работници.

На свеченоста на која присуствуваа министерката за образование и наука Весна Јаневска и претседателката на Сојузот Жаклина Ристовска, беа доделени признанија за најуспешните просветни работници од целата држава.

Градоначалничаката на Општина Кисела Вода, Бети Стаменкоска Трајкоска, во своето обраќање ја истакна огромната одговорност и значење на просветната дејност, нагласувајќи дека во рацете на наставниците и воспитувачите се наоѓа највредното – иднината на децата.

Посебно задоволство беше истакнато за фактот што меѓу најуспешните професионалци на државно ниво се најдоа и две претставнички токму од Кисела Вода – Клементина Петрушевска, воспитувач во ЈДГ „Весели Цветови“, и Весна Тодоровска Унковска, одделенски наставник во ООУ „Партенија Зографски“.

Во пресрет на празникот, Општината додели награди и за 18 истакнати просветни работници од своите основни училишта.

Раководството на локалната самоуправа порача дека и во иднина останува посветено на непрекинато инвестирање во подобрување на образовните услови и обезбедување цврста поддршка за наставничкиот кадар.

Фото: https://www.facebook.com/betistamenkoska