МТМ НЕТ

Во НУ ЦК „Трајко Прокопиев“ во Куманово, од 23 септември до 5 октомври ќе се одржи традиционалниот 29. меѓународен фестивал „Денови на комедија“, кој и оваа година носе богата и квалитетна театарска програма со бројни хумористични остварувања од земјата и регионот.

Фестивалската програма опфаќа десет одбрани театарски претстави кои се одликуваат со динамичен хумор и врвна актерска игра.

Во рамките на манифестацијата традиционално ќе бидат доделени и престижни награди во повеќе категории, меѓу кои за најдобра претстава во целина, најдобра режија и истакнати поединечни актерски остварувања.

Свеченото затворање на фестивалот е резервирано за посебна претстава надвор од конкуренција, која годинава ќе му биде посветена на истакнатиот уметник и овогодишен лауреат, Игор Џамбазов.

Сите театарски изведби ќе започнуваат секој ден со почеток во 20 часот, а одржувањето на фестивалот е овозможено со поддршка од Министерството за култура и туризам и од Општина Куманово.

Фото извор: https://kultura.gov.mk/