МТМ НЕТ

Во рамките на концертниот циклус „Млади за млади“, вечерва со почеток во 19:30 часот, во Камерната сала на Македонската филхармонија ќе се одржи концерт на младите и перспективни музичарки Леона Кондратенко (виола) и Фатима Алиева (пијано).

Овој музички настан е дел од традиционалната соработка помеѓу Музичката младина на Македонија и Музичката младина на Србија.

Како дел од оваа меѓународна размена, дуетот на 21 септември оствари успешен настап пред белградската публика, а концертната презентација сега ја заокружува во Скопје.

На вечерашната програма се застапени врвни дела од класичната и современа музичка литература, меѓу кои композиции од Роберт Шуман, Јорк Боуен, македонскиот автор Сони Петровски, Богуслав Мартину, Дмитриј Шостакович и Мануел де Фаља.

Концертот се реализира со институционална и финансиска поддршка од Министерството за култура и туризам, а организаторите потсетуваат дека влезот за сите љубители на класичната музика е слободен.

Фото извор: https://kultura.gov.mk/