МТМ НЕТ

Во Ликовната галерија при Центарот за култура „Марко Цепенков“ во Прилеп свечено беше отворена ликовната изложба насловена „Градот во мене“ од академскиот уметник и магистер Александар Џинго.

Настанот собра бројни љубители на уметноста кои имаа можност да се запознаат со најновите креации на авторот.

За време на отворањето, соодветен осврт кон уметничкиот израз на Џинго даде актерката Марија Спиркоска Илиеска, додека Бранче Трајкоски го презентираше најновиот циклус дела.

Притоа беа истакнати специфичната комбинација помеѓу академскиот реализам и современата апстракција, како и широката разновидност на ликовните техники што авторот ги применува во своето творештво.

Александар Џинго има зад себе богата професионална биографија која опфаќа повеќе самостојни и групни изложби, учество на значајни ликовни колонии, како и долгогодишен ангажман во креирањето театарска сценографија и костимографија.

Реализацијата на оваа културна манифестација е финансиски поддржана од Министерството за култура и туризам.

Фото извор: https://kultura.gov.mk/