МТМ НЕТ

Вечерва со почеток во 19:30 часот, во Македонскиот културно-информативен центар во Белград, свечено ќе биде отворена ликовната изложба насловена „Саботна ноќна треска“, дело на истакнатите македонски уметници Марија Ветероска, Игор Сековски и Иван Блажев.

Поставката, која ја имаше својата премиера во Скопје во 2024 година, преку видео и просторни инсталации, како и серија фотографии, длабоко ја истражува социјалната, психолошката и урбаната фрагментација на современиот живот во главниот град.

Куратор на изложбата е д-р Ана Франговска, а белградската публика ќе има можност да ја разгледа поставката сè до 1 ноември.

Проектот се реализира со финансиска поддршка од Министерството за култура и туризам, во рамките на официјалната годишна програма за проекти од областа на меѓународната соработка и промоција на македонското културно творештво надвор од земјата.

Фото: https://kultura.gov.mk/