МТМ НЕТ

Министерот за култура и туризам, Седат Сулејмани, го оствари својот прв официјален состанок со претставниците на Синдикатот на културата на Република Македонија (СКРМ) и Самостојниот синдикат за образование, наука и култура (СОНК).

Средбата се одржа во конструктивна и позитивна атмосфера, а клучна тема на разговорите беа решенијата во Законот за култура и актуелните прашања врзани со Колективниот договор.

На средбата присуствуваа и претставници од Министерството за финансии, како и владин претставник и експерт по трудово право, проф. д-р Лазар Јовевски, со што беше обезбеден институционален и стручен капацитет за разгледување на барањата на синдикатите.

Од Министерството за култура и туризам порачаа дека остануваат целосно посветени на отворениот дијалог и соработката со синдикалните организации.

Целта на овие средби е трајно унапредување на работните услови во културниот сектор и изнаоѓање одржливи решенија кои ќе бидат во директен интерес на вработените и институциите.

Фото: Министерство за култура и туризам