МТМ НЕТ

Министерот за здравство, Сашо Клековски, оствари работна посета на Општина Кичево, каде заедно со градоначалникот Александар Јовановски и директорката на ЈЗУ Општа болница Кичево, д-р Маја Цветановска Трајкоска, изврши увид во новостоетивната медицинска апаратура со која се опремени капацитетите на уставата.

Новата опрема значајно ќе придонесе за подобрување на дијагностиката и унапредување на здравствените услуги за граѓаните од регионот.

За време на средбата, соговорниците се осврнаа на еден од најстратешките проекти за локалната заедница – изградбата на новата болница во Кичево.

Проектот, кој се реализира со финансиска поддршка од Светската банка и Европската инвестициона банка, беше во фокусот на разговорите во насока на тековните подготовки, идната организација на работата и обезбедувањето стручен медицински кадар за беспрекорно функционирање на идниот објект.

Градоначалникот Јовановски истакна дека локалната самоуправа останува отворена за целосна соработка со Министерството за здравство и надлежните институции.

Со заеднички сили се работи на успешно заокружување на оваа капитална инвестиција, со што Кичево конечно ќе добие модерен здравствен центар што целосно ќе ги задоволи потребите на граѓаните.

Фото: https://www.facebook.com/JovanovskiAleksandar