МТМ НЕТ

Претседателката на државата Гордана Сиљановска Давкова оствари средба со претставничките на Здружението „Јас Сум Жена“, на која се разговараше за нивната претстојна конференција и за бројните иницијативи насочени кон меѓусебно поврзување и економско зајакнување на жените.

Претседателката ги поздрави настаните во чиј фокус се женските автентични приказни, нагласувајќи дека тие успешно откриваат тековни предизвици, но и инспиративни примери за видливи успеси.

Таа оцени дека овогодишната тема на конференцијата, посветена на жените во бизнисот, е од исклучително значење бидејќи женската економска самостојност претставува основен предуслов за лична независност, градење хармонични семејни семејства и активен придонес во целокупниот општествен развој.

Воедно, Сиљановска Давкова ја истакна храброста на здружението во рушењето на стереотипите за традиционално машки и женски професии – преку претставување на успешни жени машиновозачки, капетани на бродови или оџачарки – со што се охрабруваат младите девојки слободно да го изберат својот професионален пат водени од сопствените афинитети и способности.

Фото: https://www.facebook.com/siljanovskadavkova