МТМ НЕТ

Од опозициската СДСМ излегоа со остри критики по повод две и пол години од владеењето на ВМРО-ДПМНЕ, обвинувајќи ја актуелната власт за целосен економски колапс, пад на животниот стандард и блокирање на европскиот пат на државата.

Во партиското соопштение се наведува дека наместо ветените реформи, граѓаните се соочуваат со зголемени трошоци, рекордно висока потрошувачка кошничка која со изнајмен стан надминува 90.000 денари и најниски плати во европски рамки.

Од партијата посочуваат на сериозни финансиски проблеми, тврдејќи дека државниот долг е зголемен за 4 милијарди евра за рекордно кратко време, додека странските инвестиции се на историски најниско ниво.

Исто така, се нагласува дека земјоделците се соочуваат со доцнење и намалување на субвенциите, а ПИОМ се соочува со огромна финансиска дупка.

На крајот, од СДСМ оценуваат дека политиката на раководството ја турка земјата во изолација и економска неизвесност исклучиво поради страв од реформи и европско обвинителство.